شمس
2010-06-11, 01:01 AM
لا اله الا أنت سبحانك انا كنا من الظالمين اللهم اغفر لنا تقصيرنا ... أطرقت خجلا وأنا أستمع لهذه الكمات...فأثناء مآسي المنتقبات في امتحانات الفصل الدراسي الأول والكل بيسأل هنعمل ايه؟؟؟ هنقلع النقاب ونلبس كمامه ؟؟؟ ولو رفضوا الكمامه يا ترى هنعمل ايه؟؟؟ وكنت دائما على اتصال بصديقاتي قبل الامتحان نبكي أحيانا وندعوا الله أحيانا أخرى ونحاول أن نوجد حلا أحيانا ثالثه ,واذا بصديقة لي في كلية الألسن تحكي لي موقفا فتقول:(كنت أجلس مع صديقاتي المنتقبات في الكليه قبل الامتحانات لنحدد ماذا سنفعل في هذه المحنه وأنا أذكرهم بالله وبأن هذه المحنه ستنكشف ولن يبقى لنا الا ما قدمنا فيجب علينا ألا نتخاذل وايه يعني لما سنه تضيع بس ما يضيعش نقابنا فمنهم اللي تقول يا ستي الدين يسر ولن يشاد الدين أحد الا غلبه واللي تقول احنا هنعمل ايه يعني احنا مضطرين واللي تقول حرام عليكي دا الواحد ما بيصدق سنه تعدي واحنا طول السنه تعبانين في المذاكره عايزه كل ده يضيع ورابعه تقول بلاش تشدد وبعدين ما احنا لو لبسنا الكمامه هتداري وشنا وتبقى زي النقاب ...) تتابع صديقتي :واذا بنا واحنا على هذا الحال نلاقي بنت من بنات الجامعه ترتدي البنطال الضيق جدا والبدي والمكياج التقيل وفجأه لقيناها وقفت عندنا وكانها كانت قاعده معانا وسامعه كلامنا وقالت:(اوعوا يا منتقبات تتخلوا عن نقابقوا ولا حتى بكمامه ...انتوا ف نعمه تتحسدوا عليها لان اللي زيي نفسها تحس حلاوة النقاب وربنا حرمها منها, كمامة ايه دي اللي تشيلوا نقابكوا وتلبسوها وكلية ايه دي اللي تضحوا بنقابكوا عشانها؟؟؟) صديقتي بتقول هي مشيت وبصيت لصحابي وقلت دي هي اللي جايه تثبتنا واحنا فكرنا نتخلى عن حجابنا وكأن ربنا بعتهالنا ...بتقول وبعدها استقرينا على رأي واحد... مش هنبيع نقابنا ... ولا حتى بكمامه