[نورالاسلام]

فى البداية اخى الغالى فى الله الزول الطيب السودانى

ابن البلد الاصيل الاخ فى الله الغالى ابو عبدالرحمن احمد محمد وبقول ليك ولكل الاعضاء

احييك بتحية الاسلام العطرة
واقول ليك كيف الحال لو ماكنت سودانى وهاك روائع الصور من الوطن الغالى السودان

انظروا الى روعة البحر الاحمر

1/ قصة التزامك والصعوبات التي واجهتك في مجتمعنا

اخى الغالى قصة التزامى والحمدلله لم تكن فى البلد السودان كانت فى امريكا
والتى فيها طريقين الخير والشر
طريق الشر فى امريكا ينتهى باحدى الطرق التالية
المخدرات
الايدز
السجن
اوالقتل فى سطو مسلح فى الطريق او الشارع او مكان عملك
فانا اخترت والحمدلله طريق الشر لمدة بسيطة فلم ينفع معاى ووجدت من قبلى من العرب منهم من انتهى بالطرق المذمورة وهم كثيرون ومنهم من انتهى بطريق الخير وهم قليلون فمشيت مع الاخيار والصحبة الطيبة ولله الحمد من امريكا كانت البداية والحج عام 1992 وعام 1994
اما فى المحتمع السودانى خاصة بعد عودتى عدة مرات الكثير من الناس والاهل يفكرون اننى محلوس بمعنى مجنون ويتعاملون معى
على هذا الاساس خاصة اصدقائى
الا من رحم الله ربى منهم واغلبهم شطبت على اسماهم وصاروا فى تعداد الموتى بالنسبة لى الا عدة اصدقاء يفهمون ما انا بة من خير كثير
وكانت الضربة القاضية للكثير عندما تزوجت عام 1995 من امراة مسلمة ملتزمة ومنقبة حتى امريكا وكندا والان معى فى الصين
مع كل هذا اخى الفاضل انا التزامى التزام نص كم
يعنى ملتحى ولكننى متهاون فى الكثير من الاشياء ولا احب التزمت فى الدين والمغالاة لكى لاننفر الناس منا
وهناك الكثير من الملتزمين منمن ينفرون الناس من الاسلام بخشونة التعامل والكل يعرف ان الدين المعاملة وان كنا فى الدين من هم فظظين القلب لانقدر على اقناع الغير بالاسلام والدين المعاملة وممكن بالمعاملة تدخل مليون كافر فى الاسلام
وممكن بالفظاظة تنفر من يريد حتى الالتزام

<?xml:namespace prefix = o ns = "urn:schemas-microsoft-com:office:office" /><o:p></o:p>
2 / من خلال تجوالك نريد تجربة استفدت منها من كل قطر زرته
<o:p></o:p>والله الاستفادة من الاقطار التى زرتها اولا الاستفادة من اللغات وثانيا الاستفادة من مخالطة الناس باشكال مختلفة وثالثا الاستفادة من ان ترى نعمة الله عليك لانك مسلم عندما تزور بلاد الكفر وترى مافيها من مجون ومعاصى فتحمد الله على نعمة الاسلام
3 / وبما انك إداري ومدير نصيحة توجهها للمديرين
<o:p></o:p>النصحية التى اوجهها لكل من لة عمل تحرى الصدق والامانة وعامل الناس بخلق حسن واحسن الى الناس يحسن الناس اليك
وعامل العمال والموظفين بلطف حتى يكونوا معك لطفاء ويتفنون
فى خدمتك وان تعاملهم بكبر وغطرسة فقد تعلن افلاسك فى اى وقت لان عامل مثلا فى مصنع تعاملة بغلظة وتكبر قد يخرب ليك ماكينة بمئات الدولارات فقط لانك تعاملت معة بكبر وبسؤء خلق وعلية ان الرسول الكريم قد قال انما بعثت لاتمم مكارم الاخلاق او كما قال ونحن الرسول غدوتنا فيجب ان نكون فى اخلاق المسلم
4 / كيف توفق وتوازن بين البيت والعمل والمشاركة علي الانترنت
<o:p></o:p>والله دة اصعب سوال للاسف الشديد جل وقتتى فى النت يعنى فى المكتب اعطى الايميلات والعمل ربع ساعة واحول كل العمل للموظفين على ايميلاتتهم واعظم شى فى النت كلمة forward
هى صديقتى واكثر كلمة استعملها فى المكتب
وبعد داك كل وقتتى فى النت طوال اليوم وللاسف لما امشى البيت برضو مسافة الاكل والصلوات والباقى فى النت حتى ان الزوجة صابرها الله على قالت لى الله يشفيك
انت ما نصيح

5 / قصة أعجبتك
القصة التى اعجبتنى قصة سيدنا يوسف وقصص الانبياء

6 / منتدي غير منتدانا الرائع هذا تحب ان تشارك فيه
والله للاسف صرت متشتت الفكر مابين المنتدى هنا والكثير من المنتديات الاخرى ولكننى افضل انصار السنة واكثر اوقاتى هنا
ولان باقى المنتديات اغلبها منتديات دنيوية ولايحبون المشاركات الاسلامية
فان لم اكن هنا فانا هنا وتقريبا توقفت عن باقى ال 49 منتدى الاخريات ومنهم على سبيل المثال
مانقو96 الركوابة ابن السودان عشاق السودان عقد الجلاد بنات السودان النليين قمرنا سودانيز ات لاين سودانيز اوت لاين سودانيز اوف لاين الحوش السعودى الحوش السودانى المشاهيير
سودابست ودمدنى رفاعة سودانى للابد تاجوج سودان نت
منتديات لكل سودانى النيل الازرق واحد النيل الازرق 2 منتديات سودان قو منتديات انا سودانى منتديات بييرين منتديات البلورة
منتديات الاذعة السودانية منتديات sudane4ever. منتديات ساحات الافلاج منتديات شبكة الخرطوم وهذا قليل من كثير واعرفه لاننى فى لمنتديات مشترك باسم نور الاسلام او nourelsalam وخلاص تعبيت من المنتديات وعايز اركز على انصار السنة فقط لان الاعضاء مختلفين ان غبت يسالوا عنك ويتفقدوك ولكن الباقى فقط قضاء زمن يعنى ممكن تغيب او تموت ولا احد يجيب خبرك غير ثلاث مواقع تربطنا علاقات قوية وهى ابن السودان وسودانيزات لاين والركوابة
<o:p></o:p>اخيرا اخى فى الله ابو عبالرحمن احمد محمد لايسعنى الا ان اقول لك

<o:p></o:p>
وأخيرا أخي نور الإسلام
<o:p></o:p>
أسال الله أن يقر عينك برؤية المولود القادم (معاوية )
نورالاسلام <!-- / message -->